The MisAdventures of Homeboyz

Boy Abunda’s new abs-cbn sitcom? Definitely not. A male groupie whose liking is staying home and performing girlish chores? Not either.

Homeboyz is a group organized in Mid-1998 at Saint Theresa College – Tandag by three unparalleled, unrivaled men (Jadestone, Domarz and Jesus) who got inspired by the comfort of a home making it their official haven for whatever sort of activity (educational to recreational stuffs) they do. It was later joined by Glenn and Ronnie.

Wherever and whenever, these guys never failed to deliver a surprise.

Homeboyz eggs on everyone whom they encountered to share your unforgettable or unforgiving experiences with us particularly during our days as college dudes and dudettes at STC.

C’mon guys, post your comments now!

FMES yers nan taga_Camagong

Hawid pagdayaw sa inkudan ug pagpugong na dili kaw maburag-ak pagkatawa kay sugdan ko na pagwaswas (kibale labhanan!) inin ato mga inpan-agihan nan elementary pa kita sa Falcon Memorial Elementary School.

Dili sa gayud mosipyat na kada buntag maglinya kita sa oval para moapil sa flag ceremony. Tapos mag-eksersayes dayon taraw. Si Maam Julie Pilapil an magled. 1988 yadto, grade two pa kami. Yatinga kami nanga yaon sa gayud maangkuti na baho nan tae. Kalisudi inin magkanta kita nan bayang magiliw na magsampong nan ilong. Tinan-away namo sa amo sapatos kay basin yakagiod kami. Wara sa gayud. Pagsilib ko gayud sa bag nan ako klasmeyt, yaon say amo da nan lapok. Inkawhit taraw niya tapos insimhot. Laong niya dayon tae sa baya. Ambaya kaw, yaakaigit siya sayuhe pa sa buntag.

Nan grade three na sab kami. Grabe an pag-uso yadto nan winner. Yaon maglanat-lanatan bitaw tapos binunuay nan bola na hininang sa lukay nan niyog. Kundili yaon bola sa tennis an gamiton. Malakihi si Joeven Cabrera nan yaon. Yaon pa sab taraw gira-girahan na bolpen an gamiton, balahan nan lastiko. Wara lagi kit-an mo na bolpen sa una na dili baliko an tumoy.

Si Batsong ug si Ricky gapatuga-tuga sab nan kabuang. Madyekero ug karatista kuno sila. Buk-on gud taraw nila an botelya sa O, ambaya kaw binuak na daan. Yadi pa sab si Earl Alvarado na kon uso pa daan sa una an kamera na selfon, sigurado na may tinampalas na salida iton siya na an taytol – Biga sa Kapayahan. Wara gayud makalabaw sa iya na pagkatampalasan.

Labay an isa ka tuig, grade four na kami. Kon ikaw mingradwar sa falcon, dili mo sa gayud kalimtan na basta under kaw ni Maam Pareja, magtanom sa gayod kamo nan mani kundili kamote sa atbang nan iyo rom. Nilay-ubay gayud basta manlukat na. Abi pa sa lamang mapon-ukan an kaselyasan kay may intubol na klasmeyt namo.

Basta taga-tago kaw dili mo kalimtan yadton pagkaon bitaw na buntag-hapon pasui pa na isuroy sa tago nan mga bata. Isa ngadto sa mga bata na magsuroyay pikot an talinga. Kadumdom kamo siguro yadton binanggod na kalibre na may bukhayo sa tunga. Produkto yadto nan amo klasmeyt na si Levie Ronquillo ug Pikot. Taka-taka kami nan yadto. Inday kon hain na sila kuman.

Nan grade five ug grade six na gayud kami. May klase na sa taraw na H.E. Palutuon dayon taraw kami ni Maam Roces nan pikols na kapaya. Tapos permi taraw manhinlo nan H.E. kada hapon. Na kay maldituhe sa gayud kami, kadtuon taraw namo si Maam Roces ibanon namo si Euvics, anak ni Nong Lalo Acevedo, na kuhaon an yawi kay maghinlo kami. Lipaye na taraw si mam, ambaya kaw maturog kami ngadto.

An pinaka-haylayts nan tanan yahitabo sa falcon yadton kon lang-on nato amo da nan sa salida. Si Sir Blasco, principal namo yadto na panahon, ug si Lucas, anak ni Sensio Lozada, an gada nan bida. Dili sa una mabali-bali an flagpole sa falcon. Kinahanglan kat-katon mo gayud basta itaod mo an pisi. Taasers pa gayud yadto. Abteke sa gayod sa tanan estudyante si Lucas mokat-kat nan flagpole. Sugoa dayon siya ni Sir Blasco na magtaod nan pisi. Magkaalas noybe yadto nan buntag. Dali-dali taraw si Lucas panik nan flagpole, wara baya siya kasayod na gabok na baya. Nan hapit na gayod siya sa tomoy, kabali pakaw an poste. Singgit si Lucas, “Siiiiiiiiiiiiiiiiiiiiiiiiiiiiirrrrrrr….!” Paglingi ni Sir Blasco gaananay na sa pagtugdang sa lupa an poste iban si Lucas, bawos sab siya siyaget samtang kadagan, “Lucasssssssssssssssssssssssss!” Daog pa sab nila an mga aktor sa sine. Inkabag-uhan lagi nila an poste. Amo na yaon makit-an niyo na stayl sa flagpole nan falcon kuman.

xXxperience nan taga-Camagong sa Purisima School

Katan-awan sa gayud kon ato huna-hunaon an mga butang na ato paga-agihan sa Purisima School. Kadum-duman ko sa gayud dayon an ato trabaho nan perst yer pa kita. Maisugi sa gayud si Sr. Helen kay mangwelyo sa gayud yadto kon kasakpan kaw mosibat nan klase. May inkwelyuhan sa gani yadto sa batch ’95. Pagapanpreso pa gani niya an mga gradweting, batch ’94, kay pagagusi an mga piktyur sa ensayklupedya.

Pero nan gasugod na an prinses shara na salida sa abs-cbn, yadton kartons pa na salida, dili sa gayud malintar si wowie, jing-jing, jing-jong, kutz, JJ ug ako na mosibat nan klase kay mangita ka biboy bay. Na kay kinandaduhan sa an geyt, adi mangagi sa likod nan principal opis kay an eskren na koral sa likod pagatas-tasan na daan ni jing-jing pag manhinlo sa T.H.E. Kada hapon gayud yaon.

Paglabay nan isa ka buwan may bag-o na sab na salida na ATBP (at iba pa) an taytol kada buntag sa abs-cbn. Sugod yadto buntag hapon na kami mosibat sa klase. Tapos gapauso pa gayud si Kutz nan salida taraw. An di ko kalimtan yadton an taytol “Twenty Something”. Kadugayan gayud inkasakpan kami ni Sir Millan. Wara kami paapila sa iya eksam.

Kadomdom pa siguro kamo kan Sir Paderes ug Sir Mercader na pagasawan nan yadton in-away nan kaluha si Allan Coralde. Sin-o sab agaw dili sawanon nan pagadad-an sa gayud ni allan nan lagaraw kay tad-tadon an kaluha.

Yaon pa gayud sab trabaho nato na basta dom taraw, adto mag-istambay sa plaza. An kataw-an kay moagi dayon taraw sa park ‘n go tapos magpalit nan pan na papaya. Inday kon yakadomdom pa kamo nan yaon nan klase na pan. Basta magahei yaon na lais-lais taraw an porma. Inkudon dayon sa may rizal, kupa-kupa an baba nan papaya. Hilig ini nan hilonggo ko na klasmeyt ug ni rap-e.

Sa kadugayan gayud abay tambay-tambay ug kinaskasay nan gitar ni dexter ug louie sa plaza, wala lang nato kabantaye na yadto baya na dom may krimen na mahitabo. An biktima…….. sound speakers sa simbahan. Basta gawala an pare na bol-anon. Basta may krimen, may pulis gayud. Sin-o an pulis? Si SPO2 Alaan. Hinapaay gayud niya sa kanal na may bombels para dakpon an gakuha nan speker ni Fr. Camacho. Unhon sa gayud niya na abtik sa mosibat inin mga klasmeyt ko.

Yadi pa gayod si lagat na kusugi mamaklad. Kaat dayon siya sa mangga dapit sa kumbento nan mga madre kay bakladon niya an amo maestra sa englis na ga-iyot kuno nan iya uyab. An resulta, sa bongtod siya mingradwet.

Yaon sab isa ka maestro nato na grabe gayud taraw kaisugi. Jaon-jaon gud kuno siya naman taraw manumbag nan estudyante. Sumbaga taraw niya si Kidwa. Kad-onon pa kaw ni Koti iban si Atacador, haw ladlada dayon nila an jaon-jaon sa gawas nan geyt. LUGDA lagi!

Yaon pa gayud taraw ako klasmeyt na paalig-alig pakyaw nan bus na taga-gamut kay magbeach lagi kuno an batch ‘ 97. Pag-uli nakay, kuwang baya an ibayaday. An gabayad, an taga-cagayan na klasmeyt dakan.

An dili ko gayud kalimtan sa tanan yadton pagapanpreso kami ni Sister Mediatrix sa library kay mga adis-adis lagi kuno kami. Pagka alas singko na gayud, yaton na taraw si mana wennie lim kay kuhaon si dodon. Si mama ko sab taraw na gikan magtahi duko-dukoan na gada nan payong kay lukaton ako kan Sr. Emely.

Pagkasilom gayud, patawag na kami ni Boyong sa opis ni Sister Med kay imbestigaron. Yanghamad an hilongga kay dili sa gayud ako moankon na adis-adis ako. Gatiyaho na si Boyong. Gabakho taraw. Amo da nan manok na paga-SAMPAGA, garagarak. Si Mana Perly sab na ga-type dili na mahiluna. An alima wara na mahitunong sa home keys nan tayprayter.

Yamusdak na gayud nan libro an hilongga kay para motug-an ako. Yakalimot lamang siya na kon isog an mga hilonggo, dili sab talawan inin waya-waya an ina. Inin waya-waya gani basta makig-away, maghukot sa gayod nan pesi naay adesir magbuno nan daypak.

Mabibo gayud domdomon inin ato kinabuhi sa hayskul kay bisan gani inin si nympha na klasmeyt namo na taga-Victoria inka-tripan sab ni Sr. Peter. Tawaga siya para moanser sa Logic na klase. Kalaong siguro si sister na wara pa siya mintindog kay upong da sa gud an iya hayt sa lamesa, laong dayon ni sister, “STAND, Nympha!” Asta makalima siguro balik-balika ni sister.

Pero an pinakabibo sa tanan yadton si mam joy quijada gaklase nan “pangungusap” kuno. Yangayo taraw siya nan eksampol. Laong dayon ako, “Ang guro namin ay maganda.” Dali-dali dayon gayud siya pagsuwat sa blakbord. Pagbutang gayud niya nan tuldok sa tumoy, modawogdog pakaw nan kusugi. Basta yamuti gayud siya kay inkataw-an sa siya nan ako mga klastmeyt.

Kinun-o reunion nan Batch ’97?